4002/2024-2025

Khawzawl, dated 29th January 2025: Vawiin chawhma dar 10:30 atanga tlai dar 4 thleng khan Registrars of Births and Deaths (RBD) te tan Civil Registration System chungchangah Annual Training neih a ni a, Khawzawl DC Pu K. Vanlalthiana chu khuallian niin hun a hmanpui.

Khuallian Pu K. Vanlalthiana chuan thu sawiin hetiang training buatsaih a nih avanga a lawm thu a sawi a, piang leh thi chhinchhiahna hna hi danin a phal loh anga thil tih tum te manchhuah nan thil pawimawh tak a ni tih a sawi. Rilru inhawng taka tihdan dik zawm tura rilru insiam turin trainee te a chah a, district dang tana entawn tlak ni turin a fuih a ni. Hlim tak leh hlawk taka training hmang turin duhsakna a hlan bawk a ni.

He hun hi Khawzawla District Research Officer, Pu H. Lalhmangaiha chuan a kaihruai a. Directorate of Economics and Statistics atangin Deputy Director Pi B. Vanlalrengi'n thu a sawi bawk a, Civil Registration System a thil thar hrang hrang sawi hawngin training pawimawh tak a ni tih a sawi a. Danin a kaihhruaina anga dik tak leh rinawm taka hna thawk turing trainee te a chah bawk a ni. Directorate of Economics and Statistics atang vekin State Co-ordinator Pi Lalnunpuii Pachuau chuan a zirtirna a kaihruai a, PowerPoint presentation hmangin training a pe a ni. Training zawh hian zawhna leh chhanna hun hawn a ni bawk.

He training hi session hniha hman a ni a, session hnihna hi birth register leh death register endikna te, RBD te tana TA/DA leh thil dang semna hun te hman a ni.