2921/2023-2024

Khawzawl, 3rd December 2023: Vawiin khan Khawzawl DC Office-ah Khawzawl District, 22-Tuichang biala vote tla te chhiar tura ruat Counting Official-te thliarfel tumhnihna ( Second Randomisation) neih a ni.

2nd randomisation-ah hian Counting Official-ten an chhiar tur MLA bial (Assembly Constituency) leh dawhkan khata an thut pui tur (team) te tihchian a ni a. Khawzawl District chhungah hian Assembly Constituency pakhat chauh a awm avangin, vawiin randomisation hian Counting Official te chu an team awmna tur theuh a tichiang a. An thutna tur dawhkan tichiang turin naktuk (04.12.2023) zing dar 05:00 hian 3rd randomisation neih leh tur a ni.

He hunah hian 22-Tuichang AC Counting Observer tura Election Commission of India in a ruat Pu Amit Singh Bansal, District Election Officer Pu K. Lalrohlua, SP Pu Lalchhuanthanga leh Election Official dangte an tel.