No.245/2021-2022

Dated Khawzawl, the 23rd April, 2021: Mizoram sawrkarin April 20, 2021 zing dar 4:00 atanga inkaihhruaina thar (Containment order) a tihchhuah hnuah Khawzawl Town chhunga Executive Duty-te chuan vawiin chawhnu dar 3:00 thleng khan Covid-19 laka himna tura inkaihhruaina dan zawm lo mi 24 an man tawh a, pawisa chawitir zat tlingkhawm hi Rs. 2,400/- a tling tawh a ni.

Khawzawl District hi Zone 14 ah then niin, District Headquarters bik chu zone 10 ah then a ni a. Heng zone hrang hrangahte hian sawrkar hnathawk, VLTF leh police telna Covid-19 Executive Team ten sawrkar inkaihhruaina siamte kengkawhin an duty a ni.

Tun dinhmunah Khawzawl District-ah Covid-19 positive an awm lo a. Khunghran (quarantine) lai  mi 5, Mipa 4 leh Hmeichhia 1 awm mekin, an vai hian state pawn atanga lo haw, entry point-a RAgT test negative result nei an ni.