No.5233/2020-2021

Dated Khawzawl, the 19th September, 2020: Khawzawl District Deputy Commissioner & District Magistrate Pu Zothanmawia thupek bawhzuiin, Covid-19 chungchanga sawrkar thuchhuah hrang hrangte zawm a ni em tih Khawzawl chhunga veng hrang hrangah Zonal Officer, VLTF leh Police te'n sawi lawk lovin an endik.


September Ni 16, 2020 ah Hermon Veng, Electric Veng leh Vengtharte endik a ni a.
September Ni 17, 2020 ah Dinthar Veng, Kawnzar Veng, Zuchhip Veng leh Zaingen Vengte endik niin, September Ni 18, 2020 ah Darngawn Veng, Arro Veng leh Lungvar Vengte endik ve leh a ni.


Hetianga hrilh lawkna awm lova endik thutnaah hian dawr leh sumdawnna hmuna dawrtute chinchang hriatna tura Register vawnte, mipui phur lirthei khalhtute, Restaurant leh thingpui dawr bakah, mipui vantlangin mask vuah, hand sanitizer hman leh social distancing-te an zawm tha em tihte endik  nghal zel a ni. 


Endikna atanga a landanin a tlangpuiin mipui te'n sawrkar thuchhuahte an zawm tha a. Chutihrualin dawrkai leh sumdawng thenkhat, register a phone number leh address dah mumal lo an awm tih hmuhchhuah niin, a pawimawhzia inhrilhfiahin uluk lehzuala vawng chhunzawm tura hriattir nghal  an ni.


Hrilh lawk lova endikna kalpui thin chu a khat tawkin neih tta ni dawn a. Covid-19 hripui leng mek chu a darh zel lohna tura fimkhur zui zel turin District Level Task Force on Covid-19, Khawzawl District chuan mipuite a chah a ni.

 

Attachment

  • Loading attachment...