No.2896/2021-2022 

Aizawl, the 6th November, 2021: Nimin (5.11.2021)  khan DC Conference Hall, Khawzawlah DAY-NULM City Executive Committee chu an Chairman Pu C.C. Lalchhuangkima, Deputy Commissioner, Khawzawl District kaihruaiin an thukhawm a, DAY-NULM hnuaia hmalakna hrang hrangte thlirho a ni.

Pu C.C. Lalchhuangkima chuan khawpui thang zelah Street Vendor-te a tul anga an inzawrhna tur ngaihtuahpuia khawpui chhung hmunhmate pawh siamrem a ngaih thu a sawi a. A tul anga PWD leh Superintendent of Police lamte nen thawkho chunga Street Vendor-te thutna tur ruahman a tul thute a sawi bawk.

He hunah hian Pu Ngurthansanga, DUDO & Member Secretary chuan Khawzawl khawpui chhunga Dharamshala sak chungchang sawifiahin, Khawzawl District Hospital-a damlo awmpuitute'n thlenna remchang an neih mai thin loh avangin chutiang mite thlenna atan  Dharamshala ruahman a nih thu a tarlang a. MHIP Sub-Headquarters Khawzawl ramah sak a nih thu leh, a sakna tur ram leina tur fund a awm loh thute, tangkai zawka hman a nih ngei theih nana thawh ho zel a ngaih thute leh, a fund release dan chu 5:40 :40: 15 ratio tur a nih thute ngaihthlak a ni.

NULM Support to Urban Street Vendors hnuaiah street Vendors identification survey pawh a rang lamin UD&PA Department in lo nei se tih a ni a. Tun dinhmunah Support to Urban Street Vendors hnuaiah Provisional Town Vending Committee din tawh niin, Shelter for Urban Homeless hnuaiah Dhramshala sak mek a ni a, Home awmsa pawh Day-NULM hnuaia tanpuina awm theite an dawn theihnan register a ni tawh bawk a ni.

Hemi zawh hian Work Supervisor MHIP Sub-Headquarters atangin Dhramshala sak  hnathawh dan tlangpui ngaihthlak a ni a. 1st installment Rs 2,66,755 /- dawng tawhin  tunah hian slab chhung tura  inbuatsaih mek a nih thu leh hmalakna dangte ngaihthlak a nih hnuah UD&PA Department  JE in Dharamshala sak chungchanga technical report a pe bawk.

Report hrang hrangte ngaihthlak zawh a nih hnuin Dharamshala sak mek hnathawh tawh chin thlalak thlirho a ni a. Committee chuan SUH Dharamshala sakna tur atan 2nd installment hmu ngei tlakah ngaiin 2nd installment dilna a remtihpui bawk a ni. 

He huna tarlan a nih dan chuan Khawzawl khawpui chhungah hian DAY-NULM hnuaiah Self Help Group 17 din tawh niin, Skills training hrang hrang- Beauty therapist, Tailoring, Baking Technician leh Squash & Juice Processing technician-ah te mi 120 training pek tawh an ni a. Self- employment programme hnuaiah khawpuia miretheite emaw mirethei pawlte   hnena anmahnia eizawnna leh sumdawnna tenau an din theihna tur interest subsidy loan mi 12 hnenah pek tawh niin, tunah hian loan hi pek chhuah leh tura buatsaih  mek a ni.