2051/2024-2025

Khawzawl, dated 13th September, 2024: Vawiin chawhma dar 11:00 am khan DC Meeting Hall-ah District Sports Committee an thukhawm a, Khawzawl Deputy Commissioner leh District Sports Committee Chairman ni bawk, Pu K. Vanlalthiana'n meeting a kaihruai.

He hunah hian District Carrom Association te, District Football Association te, District Boxing Association te leh District Taekwondo Association te dilna hrang hrang, sum dil te, zinna man tur te leh tournament huaihawt te pawm sak an ni a. Mizoram Athletics Association-in district level a athletics association siam an dilna pawm sak a ni a, Independence Day a sports event hrang hrang thlirletna neih a ni bawk. Chairman Pu K. Vanlalthiana chuan meeting hlawkthlak tak an neih avangin lawmthu a sawi a, Khawzawl district a infiam tui mi te'n hmasawnna leh hlawhtlinna an chan zel theih nan theihtawp kan chhuah hi kan tih makmawh a ni tih a sawi bawk.

He hunah hian Pu Elijah L.H. Sanga, District Sports & Youth Officer leh Member Secretery, District Sports Committee leh  District Sports Association hrang hrang hruaitute an tel bawk a ni.