138/2024-2025 

Khawzawl, 10th April 2024: Lok Sabha Inthlanpui 2024 neih tura inpuahchahna chu Khawzawl District-ah pawh chak taka kalpui zel a ni a. Vawiin khan Khawzawl DC Auditorium-ah Documentation Team te leh Despatch & Receiving Team ten training an nei.

Despatch & Receiving Team te hi Polling Station hrang hrang a duty tur Polling Official te thlah liam a, inthlan a zawh huna lo dawngsawng leh tura ruat an ni a. Polling Official ten inthlan an buatsaihna tura an mamawh hrang hrang te lo enpuiin, an tih tur te an ti kim em tih an lo chian dawn a ni. Documentation Team te hian Inthlan kaihhnawih thil pawimawh hrang hrang te thlalak leh video mumal takin an la khawm ang a, an vawng tha zel dawn a ni.