2197/2026-2027

Dated Khawzawl, the 12th September, 2026 : Vawiin khan Fisheries Department, Khawzawl District leh ICAR – CIFA (Center for Inland Freshwater Aquaculture) Bhubaneswar, Odisha tangkawp chuan District Fisheries Development Office-ah a thawh hnihna atan vawiin khan sangha vulhtute hmasawnna tur leh ei zawnna tichangtlung turin sangha chi tha (Amur Carp) a thlawna semna hun an hmang leh a ni.

He huna thu sawitu District Fisheries Development Officer, Pi Zomuansangi chuan technical report tawi pein, sangha chi thar Amur carp semte hi a enkawl dan leh dil sawngbawl dan te farmer-te hrilh nawnin, Sangha vulhna lamah hmasawnna atana thil tangkai tak a nih ngei a beisei thu a sawi. ICAR-CIFA te nen thawh ho na tha tak an neih thu sawiin, North East region a hma la tu, Principal Scientist Dr. S Adhikari leh a team-te chungah lawmthu a sawi bawk.

He hmalakna hnuaiah hian Khawzawl District khaw hrang hrangah  sangha vulhtu mi taima leh ti tak tak mi 100 thlan chhuahte hnenah sangha chi tha hi tluang taka sem chhuah a ni a. Sangha chi sem chhuahte hi an than chak bik bakah natna lakah an fihlim bik a ni.