4550/2024-2025

Khawzawl, dated 5th March 2025: Vawiin khan Khawzawlah District Agricultural Marketing Committee (DAMC) chu an Chairman, Khawzawl DC Pu K.Vanlalthiana hovin DC Meeting Hall-ah an thukhawm a, Bana Kaih Scheme, 2024 hnuai a thlai thar marketing chungchang sawi ho a ni.

Meeting-ah hian Pi Lallawmzuali, DAO chuan Khawzawl District atanga Sawhthing lei leh hralh tawh zat report a pe a, District Agricultural Marketing Committee, Khawzawl ruahman lawkna angin Bana Kaih Scheme hnuaia Sawhthing lak khawm chu Feb ni 20 khan tan a ni tih a sawi. Khawzawl District-ah Secondary Collection Centre (SCC) hmun paruk - Khawzawl, Puilo, Khawhai, Rabung, Chawngtlai leh Sialhawkah te Sawhthing buk hna hi kalpui a ni a. March ni 5, 2025 thlenga sawhthing lakluh tawh zat chu Khawzawlah 87758 kg, Puilo-ah 34713 kg, Khawhai-ah 122939 kg, Rabung-ah 11536 kg, Chawngtlaiah 39055 kg, Sialhawkah 13553 kg niin a vaiin 310554 kg a ni. State dang atanga Direct Buyer hnenah Chawngtlai leh Khawhai Secondary Collection Centre atangin 20000 Kg leh 43332 Kg hralh a ni tawh bawk a ni.

Vawiin meeting-ah hian Khawzawl District Secondary Collection Center a stock awm zat report ngaihthlak a ni bawk a, Sawhthing lei leh hralh danah kuthnathawktute leh a leitu ten harsatna an tawhdante sawi ho niin hmalak a nih theih dan tur ngaihtuah ho a ni bawk. Meetingah hian DAMC member te bakah a kaihhnawih a Sawrkar Office hotute an tel a ni.