2074/2026-2027

Dated Khawzawl, the 4th September, 2026 : Vawiin khan Khawzawl District Election Officer (DEO) Pu K. Vanlalthiana kaihhruaiin DC Conference Hall, Khawzawlah SIR chungchangah meeting neih a ni a. Electoral Registration Officer (ERO) Pu Chandrakant Bagoria, Election Officer (EO) Pu Timothy R. Lalhmangaiha, Assistant ERO Pu R. Lalrinhlua te bakah Political Party hrang hrang aiawh te, MJA leh MHIP Sub-Headquarters hruaitute an tel a ni.

DEO Pu K. Vanlalthiana chuan kalkhawmte chungah he meeting an ngaihpawimawh avangin lawmthu a sawi a. 22-Tuichang AC chhunga Electoral Roll dik leh thianghlim kan neih theih nana thawktute chungah lawmthu sawiin, document endik (verification) kawngah pawh an fimkhur hle tih a sawi.

ERO Pu Chandrakant Bagoria chuan hearing an neihna-ah paih ngai an awm thu leh paih an nih chhan te a sawifiah a. EO Pu Timothy R. Lalhmangaiha pawhin SIR 2026 kalpui dan leh hmalaknate a sawi a, AERO Pu R. Lalrinhlua hnen atangin hearing an neih dan ngaihthlak a ni bawk. 

Vawiin thutkhawmah hian zawhna leh chhanna hun hman a ni a. Final Electoral Roll hi September 7, 2026 ah tlangzarh a ni dawn a ni.