No.2376/2021-2022

Aizawl the 28th September, 2021: Khawzawl District Land Committee chu vawiin khan Khawzawla sawrkar hmunhma hrang hrangte din a nih theih dan tur ngaihtuahin Pu C.C. Lalchhuangkima, Khawzawl District Bawrhsap hovin DC Conference Hall-ah an thukhawm.

He hunah hian thurel tura lut agenda hrang hrang pakuate ngaihhtuahho a ni a. District Consumer Dispute Redressal Commission leh Cooperation Department hmun tur remchang enfel turin Joint Village Council Khawzawl chu ruat a ni a. DIG (Eastern Range) Office, SP Residential Complex leh Legal Metrology Department hnuaia Working Standard Laboratory hmun tura Joint VC in an ruahman chu pawm a ni a, felfai taka ramri siam turin Settlement Office, Khawzawl chu ruat a ni.

Khawzawl Power Division-in Control Room leh Quarters sakna tur an dil chu Joint VC in an ruahman sak tawh thu meeting-ah hian tarlan a ni a. Central Warehousing Corporation hmun tur chungghangah Cadastral Survey neih phawt hnuah enfiahleh ni se tih a ni a. DLAO Complex hmun tur pawh Khawzawl Joint VC leh DC Office lam atanga enfiahho leh phawt ni se tih a ni bawk.

Heng bakah hian Far mual leh Bangla mual inkara ram nei zawng zawngte chuan an Pass neihte enfiah theih turin DC Office-ah kumin October thla chhunga thehlut tura hriattir ni se tih niin, hemi hnu hian Far mual leh Bangla mual ram theh dan tur chu ngaihtuahho leh ni se tih a ni.