1117/2025-2026

Khawzawl, dated 10th July 2025: Vawiin chawhma dar 11:30 khan DC Auditorium Khawzawlah, July 2025 atan District Level Narco Co-ordination Centre (NCORD) meeting neih a ni a, Khawzawl Addl. DC, Pu Lalfakzuala’n a kaihruai.

Meeting hian Khawzawl District chhunga school hrang hrang-ah, Section 6(b) of the Cigarettes and Other Tobacco Products Act (COTPA), 2003-in a phut angin zirna in leh a chhehvel (100 yards) huam chhunga vaihlo leh a kaihhnawih zuar an awm leh awmloh Education Department nena tangkawpa inspection neih leh Line Marking neih nise tiin a rel a, hun a tan ni 16 July, 2025 ruat a ni. Hemi bakah hian Meeting hian ruihhlo leh a kaihhnawih lama thalaite an fihlim zawk nan leh hmalak zel nan kohhran hrang hrang Pastor te leh bial hruaitute a hma thei ang bera meeting neihpui nise tiin a rel bawk.

He hunah hian Pu F. Lalbiakzauva, SP, Pu Bruce K. Vabeihrokhai, Addl. SP, Pu Suvigya S. Chandra, IAS, SDO(Sadar), Pu Vanramnghaka, SI, Pu PC. Rosiama, Sub- Hqrs YMA President bakah, DCPU, Cod-NERC, Sub-Hqrs YMA Anti Drugs Squad te an tel a ni.