4845/2025-2026

Dated Khawzawl, 16th March, 2026: Vawiin chawhma dar 11:00 khan DC Conference Hall, Khawzawl-ah District Level Worshop on Handholding Scheme chu Khawzawl Bawrhsap Pu K. Vanlalthiana kaihhruainain neih a ni a, he scheme hnuaia loan lak dan chungchang inhrilhhriatna neih a ni.

Bawrhsap, Pu K. Vanlalthiana chuan District Level Worshop on Handholding Scheme programme buatsaih theih a ni chu lawmawm a tih thu sawiin, Bana Kaih scheme hi sawrkarin ram mipuite, hmasawnna lam pan tuma rilru, ngaihtuahna, tha leh zung senga theihtawp chhuahte tan an bana kaia an harsatnate hriatpuia hmasawn tura a puihna a ni tih hriat a tul thu a sawi a. Sawrkara innghat tawp lova mimalin theihtawp chhuaha beih ve hmasak phawt a tul a ni a ti a, Hmasawnna rahbi kan kai hian keimahni bakah kan chhungkua, khawtlang leh ram tan a ni tih hriat a tul hle thu kalkhawmte a chah a, he scheme tihlawhtling tura theihtawp chhuah theuh turin a sawm a ni.

He hunah hian Pu R. Lalrinhlua, SDC hnen atangin district report ngaihthlak a ni a, LDM aiawhin SBI Manager hnen atangin partner bank ten loan an pek chhuah tawh dante ngaihthlak a ni bawk. Heng bakah hian CEO Handholding Scheme, Pu Lalfakzuala leh Pi H. Lalhmachhuani, DDM, NABARD hnen atangin Bana Kaih hnuaia loan lak theih dan hrang hrang leh KCC kalphung inhrilh hriatna hun hman a ni a, chairman kaihhruainain interaction hlawkthlak tak hman niin, Bana Kaih hnuaia loan la hlawhtlingte video clip thlir hona neih a ni bawk.

Workshop Programme hman zawh hian CEO Handholding kaihhruainain Bana Kaih hnuaia Progress Partner thenkhatte hmalakna a hmunah tlawh nghal a ni.

Khawzawl District-ah hian Bana Kaih (Handholding) Scheme hnuaiah loan dilna hi 44 dawn niin 31 approved a ni tawh a, 13 return awmin Pending hi 13 a awm a, a vaia loan pek chhuah tawh hi cheng nuai 131.51 (₹131.51 lakh) a ni.