1343/2026-2027 

Dated Khawzawl, the 9th July, 2026: Vawiin khan Khawzawl District Water and Sanitation Mission chu DC Conference Hall-ah Bawrhsap leh Chairman ni bawk Pu K. Vanlalthiana kaihhruaiin an thukhawm.

Chairman Pu K. Vanlalthiana chuan District chhunga khaw hrang hrangte tuihna humhalh chungchanga nasa zawka hma la tura a duh thu sawiin, office leh zirna school-ahte ruahtui khawlna te siam a, ruahtui khawl theilo pawhin a paihna tal siam vek turin a fuih a. Chhungkaw tinte ruahtui khawl chungchangah than harh a, tuidawn te, ruahtui dahkhawlna tuizem te tifai a, inbuatsaih turin a chah bawk.

Member Secretary Er Liantluanga Chohte, Executive Engineer, PHED chuan Meeting chhan leh Agenda te sawifiahnain meeting hmasaa hmalakna tur chhawpte hmalak dan report a pe a ni. District chhunga Sanitation-a hmalakna hrang hrang report Pu TC Lalhmachhuana, District Co-ordinator on SBM(G) chuan a pe a. SBM(G) hnuaia hmalakna hrang hrang zingah hian District chhunga khawtin Community Sanitary Complex (CSC) sak tawhte a function leh function loh te enfel a ni a, District chhung khaw thenkhat CSC a khaw mipui ten an enkawl that loh thu te ngaihthlak a ni a, Open Defication Free plus (ODF) plus 2nd Verification neih mek a nih thu ngaihthlak a ni bawk.

Pu KC Lalmuanzuala, Technical Assistant, PHE-in JJM hnuaia thlen chinte, hmalak meknate leh hmachhawpte report a pe a, JJM 2.0 chu Mizoram leh Department of Drinking Water & Sanitation, Ministry of Jal Shakti, Gov't of India nen May 6, 2026 khan an sign thu te, District Improvement Plant (DIP) submit tawh a nih thu te, District Warter Source Sustainable Plan (DWSSP) buaipui mek a nih thu leh District Comprehensive Implementation and Reform Plan (CIRP) buaipui mek a nih thu te ngaihthlak a ni bawk. Pu Theophil Thangchhun, UDC, Khawzawl DC Office chuan National Water Mission atanga lehkha dawnte sawifiahna a nei a, Ministry lam duhdanin July thla chhunga tihtur chi hrang hrang awm chu line Department ten lo bawhzui tura tih a ni bawk.