3714/2024-2025

Dated Khawzawl, the 8th January 2025: Vawiin khan Khawzawl DC Office Auditorium-ah Khawzawl District Bawrhsap, District Election Officer ni bawk, Pu K. Vanlalthiana kaihhruainain Khawzawl District chhung Polling Station hrang hranga Village Council Election 2025-a hman tur Final Electoral Roll 2025 tlangzarh a ni.

DC Pu K. Vanlalṭhiana chuan Electoral Roll neih a nih theih nan a rim taka thawktute chungah lawmthu a sawi a, Electoral roll dik leh felfai a awm theihna turin thawktute chu fimkhur zel turin a chah a ni. Pu K. Vanlalṭhiana chuan Roll dik leh thianghlim neih a nih theih nan kalkhawmte chu theihtawp chhuahpuiah sawmin Party hrang hrang hruaitute leh tlawmngai pawlte chu Khawzawl district a voters an pun zel theih nan thawhhona tha an neih a pawimawh tih a sawi.

Vawiina tlangzarh tak Khawzawl Final Electoral Roll-ah hian vote nei mipa 13802 leh hmeichhia 13946, an vaiin 27748 an awm a, January ni 1, 2025 behchhan a kum tling chinte dah luh an ni. Khawzawl district-ah hian Village Council 38 awmin Polling Station 45 a awm a ni. November ni 22, 2024 a VC Draft Electoral Roll tlangzarh aṭanga chhutin vawiina tlangzarh tak Final Electoral Roll-ah hian voter 476 in an pung a, voters punna rate hi 1.75% a ni. Khawhai Village Council-ah voter 1865 awmin an tam ber a, Arro Village Council-ah voter 120 awmin voter tlem ber an ni.

Vawiina Electoral Roll for General Election to Village Council 2025, Khawzawl District tlangzarh inkhawmah hian Election Officer Pu Timothy R. Lalhmangaiha chuan Electoral Roll buatsaih dan report tawi a pe a. Village Level Officer (VLO) thenkhat bakah Political Party hrang hrang aiawhte an tel a ni.