2544/2023-2024

Khawzawl, 30th October 2023: Mizoram Inthlanpui 2023-a 22-Tuichang (ST) A/C a Polling Station hrang hrang a hman tur Electronic Voting Machine Commissioning chu Khawzawl DC Conference Hall-ah neih a ni.

Commissioning-ah hian 22-Tuichang (ST) A/C huam chhunga Polling Station hrang hrang a hman tur Electronic Voting Machine (EVM) , Control Unit (CU), Balloting Unit (BU) leh Voter Verifiable Paper Audit Trail (VVPAT) ruat fel tawhte chu inthlan ni a hman theih tawh tura buatsaih fel an ni. EVM khawl te hi commission zawh a nih chuan strong room a dah luh an ni ang a, inthlan ni ah chauh lakchhuah a ni tawh dawn a ni.

He hunah hian Khawzawl DEO, 22-Tuichang Returning Officer ni bawk Pu K. Lalrohlua, Assistant Returning Officer Pu Lalthakima Chhangte leh Pi Lalhruaitluangi, Election Officer Pu Timothy R. Lalhmangaiha te bakah Political Party leh thuthar thehdarhtute an tel a ni.