No.2459/2021-2022

Aizawl, the 2nd October, 2021:Tukin dar 7:45 khan Urban Development & Poverty Alleviation (UD&PA) Department, Khawzawl District buatsaihin Zaingen Branch YMA Hall, Khawzawlah Azadi ka Amrit Mahotsav Cleanliness Week, 2021 'Faina - Kan In leh a chhehvel atangin' tih thupui hmanga kalpui hawnna hun hman a ni a. He hun hi Pu C.C. Lalchhuangkima, Deputy Commissioner, Khawzawl District chuan Khuallian ni a hmanpuiin Faina Hapta hi a hawng a ni.

Pu Ngurthansanga, DUDO, Khawzawl District kaihhruai Cleanliness Week hawnna programme-ah hian Khawzawl District Bawrhsap chuan thu sawiin, Faina chu thil kal reng a ni tur a ni a, Faina Hapta hman lai chauha fai chu faina tluantling a ni lo tih sawiin, kan taksa, kan in leh a chhehvel atanga bultanin, faina chu nunpui a pawimawh a ni, a ti bawk.

District Bawrhsap chuan Cleanliness Week, 2021 denchhena UD&PA Department-in inelna hrang hran a buatsaiha lawmman dawngtute hnenah lawmman a sem a. Faina Hnatlangpui bultan tur Government Khawzawl College leh Khawzawl Higher Secondary School-a NSS Volunteer-te chu Zaingen Branch YMA Hall kawt atangin a vailiam bawk. NSS member-te hian Darngawn veng huamchhung tifaiin bul an tan a ni.

Faina Hapta, 2021 hawnna hunah hian Pu P.C Lalchunglura, Superintendent of Police, Khawzawl District-in faina thuthiam sawirual a kaihhruai a. Pu C. Lallawmzuala, Urban Surveyor, UD&PA in Faina Hapta chungchang report pein, Pi Lalrinngheti, Manager, UD&PA in lawmthu sawiin hun a khar a ni.

Azadi Ka Amrit Mahotsav (September ni 16 - October ni 2, 2021) hman chhunga lawmman dawngtute:

1) Veng fai lawmman: Hermon Veng, Khawzawl
2) Faina chungchaga Awareness campaign kalpui tha: Arro Veng, Khawzawl
3) Community Toilet/Vantlang inthiarna enkawl fai lawmman:
Mipa - Pu C. Vanlalena, Khawzawl Dinthar Veng
Hmeichhia - Pi Lalhriatpuii, Khawzawl Hermon Veng

Azadi Ka Amrit Mahotsav Waste to Art intihsiak lawmman dawngtute:

1)  Chuailo Self Help Group, Khawzawl Darngawn
2) Laltlanhlui, Khawzawl Zaingen
3) Melody Rosangpuii, Khawzawl Zaingen

Anni bakah hian Sanitation worker Pu Laldingngheta, Pu Lalrinnunga leh Pu Zonuntluanga te chu chawimawina pek an ni bawk a ni.