No.5456/2020-2021

Dated Khawzawl, the 26th September, 2020: Tukin khan Khawzawl Deputy Commissioner's Office buatsaihin 'Fit India Freedom Run' thawhhnihna hlawhtling taka neih a ni. Additional Deputy Commissioner Pu Lalrohlua chuan zing dar 6:30 ah fuihna thu sawiin Fit India Freedom Run a tlan tuma telte a vailiam  a ni. He hunah hian Khawzawla sawrkar department hrang hrang bakah NGO aiawhte inthlangchhuakin an vaiin mi 49 an tlan a ni.

Pu Lalrohlua chuan tlan leh kal chu insawizawina awlsam ber a ni tih sawiin, taksa sawizawi hmanga taksa leh rilru hrisel neih hlutna hrang hrangte a tarlang a. Natna hrang hrang  lung natna, zunthlum, depression leh a dangte chu taksa hrisel zek zawk zingah a tlemin, heng natnate vei theihna  a tlem zawk hle a ni, a ti bawk.

Tukina Fit India Freedom Run hi Taidawnkawn, Zaingen Veng atanga bul tanin 2nd  IR Bn Camp pêng, Lungvar Veng thleng tlan a ni a, a thui zawng hi Kilometre 2 vel a ni. Tlan tawpnaah hian DC Office Staff te'n ei leh in an lo sem zel a ni.

Nimin September Ni 25, 2020 zing dar 6:30 ah khan infiammite tan Fit India Freedom Run hi buatsaih a lo ni tawh a, he hunah hian Khawzawla Football, Volleyball leh Badminton Association-te atangin mi 46 an tlan a ni.

Attachment

  • Loading attachment...