1565/2025-2026

Khawzawl, dated 8th August 2025: Vawiin khan Har Ghar Tiranga Campaign bawhzuiin Deputy Commissioner Khawzawl huaihawtin Exhibition neih a ni.

He hun hi Pu R. Lalrinhlua SDC kaihhruaina hnuaiah Khawzawl khaw chhunga School hrang hrang pali - PES Vengthar Pastorate, Govt. Little Flower School, Govt. Model High School leh Govt. Khawzawl Higher Secondary School-ah te exhibition hun hi hman a ni. Har Ghar Tiranga kaihhnawih banner leh poster te phochhuahna hun hman a ni a, School hrang hrang te'n Classroom bangah te leh hmun rem laiah te lemziak leh banner te tarin India ramin Independence kan lo neih chhoh dan te leh zalenna sualtute chanchin a lem nena phochhuah a ni.

He campaign hi Phase thuma then a ni a, vawiina exhibition buatsaih hi Phase 1 kharna hun niin Phase 2 leh 3 te hi August ni 15 thlenga neih leh tura ruahman a ni.

He hunah hian DC Office bakah Khawzawl District chhunga department hrang hrang SP Office, CMO, DEO leh SDEO office atang tein official hrang hrang te he Exhibition-ah hian an tel a ni.