2085/2025-2026

Khawzawl, dated 11th September 2025: Vawiin chawhnu khan DC Chamber, Khawzawlah IMA Multi-Speciality Clinic Organising Committee te IMA Multi-Speciality Clinic neih tur chungchang sawihovin meeting an nei a, Bawrhsap Pu K. Vanlalthiana’n a kaihruai.

IMA Multi-Speciality Clinic hi September ni 19, 2025 a neih tur a ni a. Hemi ni, zing dar 7 atang hian Endoscopy leh Ultrasound tih theih a ni ang. Opening Function zing dar 9:30 Am ah neih tur a ni a. He hunah hian Doctor 60 bawr vel lo kal tura beisei niin, Kal, Lung, Medicine, naupang lam, hmeichhe lam, Beng, Hnar, chuap etc. Specialist Doctor te an rawn kal beisei a ni. Doctor damdawi rawn ken te hi damlote hnena a thlawna sem tur a ni ang. Hemi niah hian Hermon Branch KTP ten canteen an siam bawk dawn a ni.

Bawrhsap, Pu K. Vanlalthiana chuan IMA Multi-Speciality Clinic neih tur atan hian Department hrang hrang te leh Khawtlang hruaitute thahnem ngai taka thawhho a tulzia sawiin, District mipuite tan a ni tih hriaa, mahni theihna zawn theuha thahnem ngai taka thawk a, material neih remchan ang ang phal taka thawh chhuak theuh tura a beisei thu a sawi.

He hunah hian Dr. Albert Lalhminghlua, Sr. MO, Dr. Zozikpuii, Sr. MO, Dr. Wendy Malsawmkimi, MO (Dental), Dr. Lalnunpuii Renthlei, MO (Ayush), Pu F. Lalbiakzauva, SP, David JB, Deputy Commandent, Pu Liantluanga Chohte, EE, PHED, NG. Lalruatsanga, EE, P&E, Pi F. Chhunghnemi, SNO, Pu C. Pazawna, Joint VCP, Pu K. Lalzika, President, District MUP an tel a ni.