691/2026-2027

Dated Khawzawl, the 25th May, 2026 : Vawiin khan Khawzawl Bawrhsap Pu K. Vanlalthiana kaihhruaiin DC Conference Hall-ah PM JANMAN leh DAJGUA hnuaia ‘Jan Bhagidari – Sabse Door, Sabse Pehle’ Campaign kharna inkhawm neih a ni.

Bawrhsap Pu K. Vanlalthiana chuan he campaign a hlawhtlin theih nana thawktu line department-te chungah lawmthu a sawi a. Mipui tam zawkin sawrkar scheme hrang hrang an hmelhriata hamthatna an dawn ve theih nan awareness nei zel a pawimawh thu a sawi. 

Vawiin inkhawmah hian department hrang hrangten he campaign hnuaia an hmalak dan report an pe a. DAO hmalaknain RKVY-PDMC hnuaiah Rabung-ah tui pipe semchhuahna te, Sialhawk leh Chawngtlai-ah PM-KISAN awareness leh Soil Health Card sem chhuahna hunt e neih a ni a. PHED Khawzawl hmalaknain Khualen khua-ah engtiklai pawha tui herh haw a nih theih nan tui meter vuah a ni a. DFDO hmalaknain tui sawngbawl dan, luidung nungcha an inthlahpun laia humhalh dan tur leh sangha chi leh chaw subsidised rate-a leih theih a nih thu hriattirna hunt e neih a ni a. DCSO hmalaknain Anganwadi hrang hrangahte Wheat Based Nutrition Program kalpui a ni a, mipuite ration card chungchanga harsatna an neihte chinfel sak an ni bawk. Heng bakah hian CMO, DEO, P&E leh department dangten hmalakna tha tak tak an nei a ni. 

He hunah hian YMA Sub-Headquarters, MUP leh MHIP Sub-Headquarters aiawhte an tel a. Sawrkar official-te nen mipuite tana tha lehzuala hmalak dan turte an sawiho. SDC Pu R. Lalrinhlua chuan Khawzawl district chu he campaign atan Mizoram chhunga hma la tha ber pawh a nih thu a tarlang a, lawmthu sawiin hun a khar a ni.