1942/2026-2027 

Dated Khawzawl, the 25th August, 2026 : National Sports Day pualin August ni 27, 2026 hian Prime Minister Narendra Modi chuan biakhlatna hmangin India rama ṭhalaite kawmna leh fuihna hun (Khelo India Samvaad - Khel Ki Baat PM Ke Saath) a hmang dawn a. India rama district zawng zawnga hman tur a nih angin Khawzawl District-ah pawh Govt. Khawzawl College leh Govt. Khawzawl Higher Secondary School-ahte hman a ni ang.

He ni hi hockey khel thiam Major Dhyan Chand-a piancham hriatreng nana hman niin, inkhelhna leh hriselna lama hma kan sawn nana buatsaih a ni a. He hunah hian India ramin Sports lama hma kan sawnna hrang hrang te thlirho a ni dawn a. Thalai kalkhawmten Commonwealth Games 2030 leh Olympic Games 2036 atana kan ram kan inpuahchah dan leh inkhelhna lama hma sawnna turte sawihona hun Yuva Samvaad (Youth Dialogue) neih a ni dawn bawk a. Hemi ni vek hian MY (Mera Yuva) Bharat Portal registration drive neih bawk tur a ni.

Hriatchian duh nei tan Pu Vaibhav Ratnam, Khawzawl District Youth Officer, MY Bharat chu  8127036585 ah biak theih a ni.