1088/2025-2026

Khawzawl, dated 8th July 2025: Vawiin khan Krishi Vigyan Kendra (KVK) chuan KVK Training Hall-ah thlai tiak hrang hrang - serthlum, serfang, zawngtah, khanghu - an sem a, Khawzawl Bawrhsap Pu K. Vanlalthiana'n khuallian niin a sem.

Khuallian Pu K. Vanlalthiana chuan KVK hmalakna leh hnathawh ropui a tih thu sawiin kuthnathawkte leh loneitute an ngaih pawimawh em avangin lawmthu a sawi a, thlai tiak dawng turte a lawm pui thu sawiin hmasawn nana hmang tur leh taima taka hna thawka chhungte tan baka ram tana thawk zel turin a fuih a ni. Khuallian hian thlai tiak semna hun a hmang nghal a ni.

He hun hi KVK Sr. Scientist & Head, Dr. Malsawmkimi'n a kaihruai a, Farm Manager Pu Malsawmkima Vanchhawng chuan technical report pein thlai tiak an sem chhan te, hmasawnna an beisei leh hmachhawp hrang hrang te a sawi.

Thlak tiak sem hi Pradhan Mantri Rashtriya Krishi Vikas Yojana (PM-RKVY) hnuaia hmalakna a ni a, Khanghu tiak 417, Zawngtah tiak 1700 bakah, Ser tiak chi hrang hrang - Serthlum, Sisu, Sertawk Zammir leh Serfang 250 sem niin a vaiin 2357 semchhuah a ni. Huan thlai chingtute hi khaw 6 - Khawzawl, Khualen, Rabung, Neihdawn, Chawngtlai, Ngaizawl leh Khawhai atangin an lo kalkhawm a ni. KVK Khawzawl te hian tun bakah hian thlai tiak chi hrang hrang Quality Planting Material PM-RKVY hnuaiah sem chhuak leh zel turin hmalakna an kalpui leh mek a ni.