No.145/2021-2022

Dated Khawzawl, the 15th April, 2021: Vawiin khan Swachh Bharat Mission, Urban, kaltlangin UD&PA Department chuan DUDO Office Chamber, Khawzawlah 'Open Defaecation Free Plus (ODF+)' leh 'Khawzawl District Solid Waste Management Bye-Laws 2020' chungchang inhrilhfiahna hun a buatsaih.

He hunah hian Local Level Nodal Officer-te leh Khawzawl khawpui chhunga Sanitation & Beautification Committee member-te an tela, khawlaia inthiar awm lohna mai piah lama rahbi tha zawka inhlankaina tur 'Open Defaecation Free Plus (ODF+)' leh bawlhhlawh sakhat sawngbawl kawnga dan siam thar 'Khawzawl District Solid Waste Management Bye-Laws, 2020' chungchang inhrilhfiahna leh zirhona neih a ni.

Pi Mimi Lalrinngheti, Manager, UD&PA Khawzawl-in Swachh Bharat Mission, Urban awmzia leh nihphungte sawifiahin ODF+ ni thei tura tehfung leh hmalakna tur tlangpuite a tarlang a. Pu K. Lalramnghaka, SDS, UD&PA Khawzawl hnen atangin Khawzawl District Solid Waste Management Bye-Laws, 2020 chungchang ngaihthlak a ni a, faina leh thianghlimna kawnga hmalak ngaihnate a sawizau bawk a ni.