913/2026-2027

Dated Khawzawl, the 9th June, 2026 : Vawiin khan Khawzawlah Pluck and Pay Festival hman dan tur relin Organizing Committee chu an Chairman, Khawzawl Bawrhsap Pu K. Vanlalthiana kaihhruaiin DC Conference Hall-ah an thukhawm.

Bawrhsap Pu K. Vanlalthiana chuan Pluck and Pay festival chu tourism lama Khawzawl district tihhmasawnna atan hmalakna pawimawh tak a nih thu a sawi a. He festival hi Khawzawl district chhunga thlai leh thei thar chhuahte tihlar nan leh kuthnathawkte tana awlsam zawka an thlai leh thei tharte an hralh theihna tura hmalakna tha tak a nih thu a sawi a. Bawrhsap chuan hetiang hmalaknaah hian kuthnathawkte chu hlawkna teltu ber ni se a duh thu leh an dinhmun chawikanna kawngah nasa taka a puih ngei a beisei thu a sawi bawk.

Pluck and Pay Festival hi Tourism Department hmalakna hnuaia kalpui tur niin, Khawzawl district chhunga khualzin hipna leh agro-tourism tihlarna tura buatsaih tum a ni a. He festival chhung hian Khawzawl district chhunga khaw thlan bika thei leh thlai huanahte a duh apiang tan thlai leh thei lawh theih a ni dawn a, stall hrang hrangah thlai leh thei tharchhuah zawrhna leh khualzinte tana intihhlimna hrang hrang buatsaiha kalpui tum a ni a. July kar tawpa buatsaih tura rel niin, Festival neihna tur ni leh hmun hi Organizing Committee-in an rel leh dawn a ni.

Vawiin thutkhawmah hian Tourism Officer Pi C. Ramsangzuali, Addl DC Pu K. Zorammuana, SDO Pu Chandrakant Bagoria, DHO Pu Henry Lalremruata Varte, DAO Pi Lallawmzuali, BDO Pu Timothy R. Lalhmangaiha leh official dangte an tel a. Khaw hrang hranga thlai leh thei pawl hotute an tel bawk a ni.