4625/2025-2026

Khawzawl, dated 27th February 2026: Nimin khan Labour, Employment, Skill Development & Entrepreneurship (LESDE) Department leh Khawzawl DC Office ṭang kawp huaihawtin Khawzawl DC Conference Hall-ah Prime Minister’s National Apprenticeship Promotion Scheme (PM-NAPS) leh Apprenticeship Portal chungchang inzirtirna workshop buatsaih a ni.

He hun hi Election Officer/BDO, Pu Timothy R.Lalhmangaiha chuan hmanpuiin, Apprenticeship pawimawhzia leh zirlai leh hna zawng mekte bakah, a ruaitu (employer)-te tan pawh thil ṭangkai tak a nih thu a sawi a. NAPS chuan ṭhalaite chu an hna zawnna, hna thawhna leh ei zawnna kawng hrang hrangah a chher hriam dawn a ni tiin, NAPS chungchang inzirtirna workshop buatsaih a ni chu lawmawm a tih thu a sawi a. Hna neitu (employer) establishment leh hna zawngtur zirlai hrang hrang kal khawmte chungah lawm thu sawiin, scheme chhawr ṭangkaitu ni ngei turin a sawm nghal.

He hunah hian LESDE Department atangin Pu Donny C.Lallawmkima chuan PM-NAPS chungchang a sawifiah a, Apprenticeship Portal-a inziah luh dan leh a hman dan te a sawi fiah bawk. Online Registration pawh tih nghal niin, Zawhna leh chhanna leh sawihona hun hman a ni bawk.