3017/2023-2024

Khawzawl 12th. December, 2023 : Samara Shiksha, Khawzawl District chuan vawiin khan Khawzawl District a Sawrkar School a Middle School zirlaite tan Rangotsav 2023 an buatsaih a, hetah hian Khawzawl District chhunga Sawrkar School - Govt. Little Flower School, Khawzawl, Govt. Middle School - II, Khawzawl, Govt. Kawnzar Middle School, Khawzawl leh Govt. Khawhai Middle School zirlaite chuan Category hrang hrang - Thing leh mau hmanga thil siam, hrui leh hnang hmanga thil siam, 2D Painting leh 3D Sculpture-ah te intihsiakna an nei a, zirlai 25 an tel a ni.

Rangotsav 2023 neih hma hian Program tawi hman a ni a, hetah hian Dy. DPC Pu K. Thantluanga chuan Rangotsav chungchang sawiin hei hi zirlaiten Arts lama Talent an neih te an tihpun theihnan leh hetiang lama zirlaite fuih phurna atan ruahman a ni tih a sawi a, Khawzawl District in tluang taka ruahman anga an nei thei chu lawmawm a tih thu leh zirlaiten an hlawkpui a beisei tih a sawi a, tun hi Samagra Shiksha, Khawzawl District in Rangotsav vawi 3 an buatsaihna a ni tih a sawi bawk.

Intihsiakna Category hrang hrangah hian pakhatna atanga pathumna thleng tan lawmman buatsaih a nih bakah zirlaite tel zawng zawng te hnenah Participation Prize pek an ni bawk.