1579/2025-2026

Khawzawl, dated 8th August, 2025: Vawiin chawhnu dar 1 khan DC Chamber Khawzawlah August 2025 chhunga ‘Red Ribbon Quiz Competition’ awm tur chungchang sawi hovin District AIDS Prevention & Control Committee (DAPCC) an thukhawm a, Khawzawl Bawrhsap, Pu K. Vanlalthiana’n a kaihruai.

Red Ribbon Quiz Competition hi School Level, District Level leh State Level neih tur a ni a, School level hi mahni sikul theuhah August ni 18 atanga ni 20, 2025 a neih tur niin, District level hi Zaingen YMA Hall-ah August ni 27, 2025 neih tur a rel a ni a, State level hi September ni 3 leh ni 4, 2025 a neih tur a ni. District level-ah hian khuallian Khawzawl Bawrhsap, Pu K. Vanlalthiana a ni ang a, Chairman atan Pu PC. Rosiama, Sub Headquarters YMA President a ni ang.

He hunah hian Dr. Albert Lalhminghlua, District AIDS Control Officer, Pi Lalsangpuii Vuite, Councellor, ICTC, Pu Bruce Vabeihrokhai, Addl. SP, Pu Lalrawngbawla, DEO leh Pu PC. Rosiama, Sub Headqrs YMA President te an tel a ni.