No.1398/2021-2022
Dated Khawzawl, the 15th July, 2021: Pu Zothanmawia, Deputy Commissioner, Khawzawl District ruahmannain tukin khan Khawzawl Road Protection Squad chuan ke a Khawzawl khawchhung kawngpui dung fangin endikna an nei a, kawngpui nekchep leh tichhe thei zawnga hmalakna awm theite chu senghawi tura hriattirna pek an ni.

Kawngpui endik hi zing dar 6:30 ah Zaingen YMA Hall kawt atanga tan niin, Khawzawl khawchhunga veng pali Zaingen, Zuchhip, Dinthar leh Electric Veng kawngpui dungte endik a ni a. Road Protection Squad-te hi Village Council leh YMA hruaituten an area chin theuhah an lo tawiawm bawk a ni.

Pu H. Lalramenga, SDC, Road Protection Squad Member Secretary ni bawkin a tarlan danin Road Protection Squad hian vantlang leh kawngpui tana hnawk leh kawngpui tihmelhem zawnga chet lakna awmte, kawngpui tichep zawnga hnawmhnawk siam hrang hrangte an endik a. Kawngpui nekchep zawnga hmalakna ngaimawhawm chin mi 16 (sawparuk) te chu insenghawi tur leh chhunzawm lo tura hrilh nghal niin, CrPC 133 hnuaiah lehkha pek zel an ni bawk.

Khawzawl khawchhung kawngpui endik hi nikum lam atangin a khat tawka kalpui niin, Khawzawl khawpui chhung kawng langsar zual (Main road) chin bakah, Main road pawhtu kawng penhleh dangte pawh a tul leh remchan dan ang zelin endik chhunzawm a ni ang.

Vawiin endikna hunah hian Police, PWD, P&E, PHE aiawhte, District VC Association Chairman leh Sub-Hqrs. YMA President-te an tel a ni.