2489/2024-2025

Khawzawl, dated 11th October, 2024: Vawiin chhun dar 1:00 p.m khan Khawzawl Electric Veng YMA Hall-ah Right to Information Week lawmna hun (Celebration of RTI Week, 2024) hman a ni a, Khawzawl Deputy Commissioner, Pu K. Vanlalthiana chu khuallian niin hun a hmanpui.

Khuallian Pu K. Vanlalthiana chuan thu sawiin he huna lo kal zawng zawng te chungah lawmthu a sawi a. Right to Information hi mipuite hmanraw tangkai tak, sawrkar langtlang zawk siam theihna thil pawimawh tak a ni tih a sawi a, mipui RTI hmanga sawrkar thil hriat chian tum te an fakawmin an entawn tlak hle a ni tih a sawi bawk. RTI hmangin sawrkar hnathawk te leh mipui te inkar inlaichinna a that phah ngei a beisei thu a sawi a, eirukna te, hlemhletna te leh dan lova thil tih chi hrang hrang do nana RTI hmang zel turin mipui te a sawm bawk a ni.

He hun hi SDO (Sadar), Pu Suvigya S. Chandra, IAS chuan a kaihruai a, RTI chungchang sawizauna atan District Information & Public Relations Officer, Pu Lalzara'n hun a hmang bawk a ni. Addl. DC, Pu Lalfakzuala chuan lawmthu sawina hun a hmang bawk.

He hunah hian Khawzawl District a SPIO leh SAPIO te, Village Council Member te, NGO te leh school naupang te an rawn tel bawk a ni.