1199/2025-2026

Khawzawl, dated 16th July 2025: Samvidhan Hatya Diwas 2025 denchhenin vawiin khan Khawzawlah Bawrhsap Pu K. Vanlalthiana hmalaknain hmun thlan chhuah hrang hrangah Exhibition atan Poster leh Banner tarna hun hman a ni.

Khawzawl veng thlanchhuah pali - Taidawnkawn, Zuchhip, Dinthar leh Vengthar kawnah te Pu R. Lalrinhlua, SDC kaihhruaiin Samvidhan Hatya Diwas denchhena exhibition atan mipuite hmuh theih turin poster leh banner te tarchhuahna hun hman a ni. He hun hi mipuite inzirtirna leh inhrilhhriat tharna atana neih a nih angin mipuiten 1975 a emergency puanin a nghawng chhuah hrang hrangte, India ram danpui tihbawrhbanna champha hriatrengna atan hman a ni.

Veng hrang hrangah banner te mipuite hmuh theia phochhuah a nih hnuah heng banner te hi DC office tualah tarchhuah leh niin Samvidhan Hatya Diwas-in a awh hun chhung July ni 25, 2025 thleng tarchhuah a ni ang.