1/2025-2026 

Khawzawl, dated 1st April 2025: Vawiin chawhma dar 11 khan DC Meeting Hall-ah Khawzawl district chhunga Secondary Collection Centre (SCC) hrang hranga sawhthing dinhmun sawi ho turin District Agricultural Marketing Committee (DAMC) an thukhawm a, Khawzawl DC leh DAMC Chairman ni bawk Pu K. Vanlalthiana'n he thukhawm hi a kaihruai.

Chairman Pu K. Vanlalthiana chuan District Agriculture Officer leh Member Secretary ni bawk Pi Lallawmzuali meeting sawi hawnna nei turin a sawm a, Pi Lallawmzuali chuan meeting thutkhawm chhan te sawiin Khawzawl district atanga rang zawk leh awlsam zawka sawhthing hralh theih dan ngaihtuah a tul thu a sawi a. SCC supervisor te'n an SCC theuha dinhmun, stock awm zat te, hralh chhuah tawh zat te, lakbelh theih zat tur te an sawi a, harsatna an tawh te an sawi bawk a ni. DAMC member te chuan sawhthing hralh awlsam theih nan a phurna lam te, lei tur te nena indawrna lamah te hma sawn dan tur an sawi ho a, rang zawka hralh theih dan tur an sawi ho bawk a ni. Chairman Pu K. Vanlalthiana chuan member te inlungrual taka an thawhho theih avanga a lawm thu a sawi a, mipui te tana tang tlang zela ngaihtuahna tha zawk seng zel turin member te a fuih bawk a ni.

He meeting-ah hian DAMC member te kim takin an tel a, co-opter member te pawh an tel tha hle a ni.