1559/2025-2026

Khawzawl, dated 7th August, 2025: Vawiin chawhma dar 11 khan DC Chamber Khawzawlah Khawzawl District chhunga Swachh Bharat Mission (Urban) leh Swachh Bharat Mission (Grameen) hnuaia District Level Convergence Committee neih a ni a, Khawzawl Bawrhsap Pu K. Vanlalthiana’n a kaihruai.

He hunah hian Khawzawl khaw chhunga ek paih dan tur leh bawlhhlawh (Tawih thei leh theilo) paih dan tur chungchang rel ho a ni a, PHE leh UD&PA Department te thawhtlan dan tur leh awmze nei zawka hna an thawhho dan tur te rel a ni bawk. Bawrhsap Pu K. Vanlalthiana chuan, Mizo te chu in entawn chi kan ni a, chuvang chuan hmasawn tura ngaihtuahna thar puin, midang te entawn tlak ni thei tura theihtawp chhuah a tul thu a sawi a. Khawzawl district chhunga khaw hrang hrangah te pawh enchhinna neih tha a tih thu a sawi a ni. 

He hunah hian Pu Lalfakzuala, Addl. Deputy Commissioner, Pu Suvigya S. Chandra, DUDO leh PHE lam an tel a ni