999/2026-2027 

Khawzawl, the 13th June, 2026 : June 3, 2026 - June 12, 2026 chhung khan Bethany Society Shillong-in USHA CLASSICAL SILAI SCHOOL TEACHERS TRAINING PROGRAMME chu Khawzawl RD Block SHG member-te tan a organise a, DPRC Khawzawl ah he training hi conduct ani, khaw hrang hrang atangin SHG member 15-te puanthui training ni 9 chhungin an nei a ni.

June 3, 2026 khan Pu K Lalhmuakliana PD, DRDO chuan training hawnna programme a hmanpui a, June 12, 2026 khan closing programme hman a ni a, Dr C. Danial ,Head of Department, Radiology, NEIGRIHMS Shillong chu Chief guest niin Certificate, USHA puanthui Khawl leh Classical SILAI School Signboard semna hun hmangin thu a sawi a. Pu Timothy R. Lalhmangaiha BDO/BMD chuan nuho fuihna thu tha tak a sawi bawk. He programme a hlawhltin theihnana hmalakpuitu CEO leh SMMU hotute chungah lawmthu a sawi bawk a ni.

Trainer ah Rilian designing studio neitu Tv Lalduhzuala, Khawzawl hman a ni a, Khawl remkhawm dan, a thiah dan, measurement lak dan, cutting leh nuho in an khawl mila an hman tangkai theih tur kawr design hrang hrang leh kekawr lam thui dan te an zir, training hunchhung a rei loh avangin a tam thei ang ber an thiam theih nan nasa takin tan an la a, zan lamah te homework in pein theih tawpin he ni 9 chhung hi an hmang a ni. Nuho in hlawkthlak an tiin ke khawl an dawng nghal vek bawk a, an lawm hle a ni.