2088/2026-2027 

Dated Khawzawl, the 7th September, 2026 : Vawiin khan Election Commission of India ruahman angin Special Intensive Revision 2026-a 22-Tuichang (ST) AC Final Electoral Roll chu District Election Officer Pu K. Vanlalthiana chuan DC Conference Hall, Khawzawlah a tlangzarh.

DEO Pu K. Vanlalthiana chuan Khawzawl District-a SIR hlawhtling taka kalpui a nih theih nana thawktu zawng zawng, ERO/AERO, EO, BLO, political party leh NGO te chungah lawmthu sawiin, hearing neihna-ah khawtlang hruaituten tha taka an tawiawm avang pawhin lawmthu a sawi a. India khua leh tui dik tak chauh Electoral Roll-a an tel theih nan fimkhur tak leh huaisen takin hearing leh document endik hna an thawk tih a sawi.

Electoral Registration Officer (ERO) Pu Chandrakant Bagoria chuan SIR 2026 Final Electoral Roll felfai tak tlangzarh a nih theih nana a thawpuite chungah lawmthu a sawi a. Election Officer Pu Timothy R. Lalhmangaiha chuan Final Electoral Roll chungchang report kimchang a pe.

22- Tuichang AC Final Electoral Roll-ah hian mipa 8,688 leh hmeichhia 8,839, a vaiin voter 17,527 an awm a, Draft Electoral Roll nena khaikhinin voter 20 in a kiam a ni. Hearing nei tura koh mi 2,185 an awm a, heta tang hian mi 250 paih an ni a. Form 6 hmanga inziaklut thar voter 343 an awm a. Form 8 hmanga AC dang atanga pem lut voter 48 an awm a, AC danga pem avanga Roll atanga paih voter 152 an awm thung a ni. Final Electoral Roll hi ERO/AERO/BLO-te hnenah leh District Election Office, Khawzawl website-ah a en theih a ni.

Vawiin hunah hian EO, ERO, AERO, DEO, SDPO, DIPRO, MJA leh political party aiawhte, Sub-Htqrs YMA, MHIP leh MUP aiawhte an tel a ni.