1099/2026-2027

Dated  Khawzawl, the 20th June 2026 : Vawiin khan Urban Development & Poverty Alleviation (UD&PA) Department, Khawzawl leh Food & Drugs Administration, Directorate of Health Services tangkawp buatsaih SVANidhi Mahotsav Programme chu Zuchhip YMA Hall-ah hman a ni a, hetah hian FSSAI empanelled trainer Professor Dr Deborshi De hoin FOSTAC (Food Safety Training and Certificate) Basic training for General Manufacturing and basic  catering leh Hygiene and food safety training  neih a ni.

Pi Mimi Lalrinngheti CMM, DAY-NULM chuan SVANidhi Mahotsav sawifiahna hun hmangin Pi Lalrinkimi Pachuau, Designated Officer, Food & Drugs Administration, Mizoram chuan dan hnuaiah thianghlim taka eisiam a pawimawh thu leh kan eisiam thianghlim loh avanga mipuiin an tawrh theih dan te, a siamtu hrem theih a nih dan te sawifiahna hun a hmang bawk.

Professor Dr Deborshi De chuan ei leh in siamtu/zuartute chu he training hi an neih ngei ngei a ngaih thu te, eisiamna atana a siamtu te invawn fai a pawimawh thu te, India ramah kan eiin siamna hmanrua leh a siamtute invawn felfai loh avanga mipuiin natna kan kai theih dan hrang hrang te, nitin eitur kan zawrh leh mahni inlam a kan siam dan diklo te tih dik dan sawifiahna te a nei a. Eitur kan siamna hmanrua kan hman nawn fo avanga natna kan neih theih dan te, chung chuan zawi zawiin kan taksa a tihchhiat theih dan practical-in zirtirna a pe bawk a ni.

He training-ah hian Khawzawl khawchhung Street Vendors leh Self Help Group member atangin mi 80 an tel a. He training a tel zawng zawngte hi Government of India in FOSTAC Certificate a pe dawn a ni. Food Safety and Standard Authority of India hnuaiah registration tih nghal niin, registration ti thar mi 20 hnenah FSSAI license pek an ni bawk. Chawhnu session-ah Street Vendors awareness campaign neih a ni a, registration la ti ve lote in register tur a hriattir na hun hman nghal a ni.