979/2025-2026

Khawzawl, dated 27th June 2025: Vawiin khan DC Auditorium-ah Tourism Department bultumin "Narrating Mizoram: Tales of Our Lands" tih thupui hmangin thawnthu ziah intihsiakna (storytelling competition) neih a ni a, Addl. DC Pu Lalfakzuala chuan chairman niin hun a kaihruai a ni.

He intihsiaknaah hian a tel te chuan Mizo tawngin Khawzawla khualzin te kalna hmun mawi hrang hrang (tourist atttaction) chungchang ziakin thawnthu an sawi a, Chawngtlai chu pakhatna (1st) niin ₹20,000 an dawng a, Tualte chu pahnihna (2nd) niin ₹10,000 an dawng a, Khawzawl Darngawn chu pathumna (3rd) niin ₹5,000 an dawng a, lawmman latute hian certificate an dawng theuh bawk a ni. Endiktute hi District Agriculture Officer Pi Lallawmzuali, SDC Pu Paul Rokima, SDC Pu R. Lalrinhlua, Asst. Professor Pu Lalruatpuia, SYMA President Pu PC Rosiama te an ni.

He intihsiakna hi district tina neih a ni a, district-a titha zual te August ni 8-ah state level intihsiaknaah district aiawhin an tel leh dawn a ni.