3835/2024-2025

Khawzawl, dated 16th January 2025 : Vawiin chawhnu dar 1:00 khan Village Council Inthlan lo awm tura Returning Officers te tan Khawzawl DC Auditorium-ah training buatsaih a ni.

He hun hi Pu Timothy R. Lalhmangaiha, Election Officer, Khawzawl District chuan kaihruaiin, SDC Pu Paul Rokima, AERO nen Returning Officer kalkhawmte hnenah hian inthlan kaihhnawih thil pawimawh hrang hrang an zirtir a ni.

Khawzawl District-ah hian vote nei mipa 13802 leh hmeichhia 13946, an vaiin 27748 an awm a, Village Council 38 awmin Polling Station 45 a awm a ni.  Khawhai Village Council-ah voter 1865 awmin an tam ber a, Arro Village Council-ah voter 120 awmin voter tlem berna an ni.

Vawiin hian State Election Commission chuan VC inthlan neih dan tur a puan beisei a ni.