No.4447/2020-2021

Dated Khawzawl, the 24th August, 2020 : Tunkar Ningani August Ni 27,2020 a Village Council Election 2020 neih tur atan Khawzawl District huamchhungah inpuahchahna peihfel thawkhat a ni tawh a, vawiin khan inpuahchahnate  Khawzawl District Election Officer Pu Zothanmawia hovin DC Conference Hall-ah thlirho a ni. 

He hunah hian  Village Council Election lo awm tura mawhphurhna neitute leh Khawzawl District a Sawrkar Department hrang hrang hotute an thukhawm a. VC Election neih tura inpuahchahnate leh hmalak dan hrang hrangte Sector Officer-te leh mawhphurhna neituten an sawi a, Khawzawl District  huamchhung Village Council 38 bialtu Sector Officer 6 in tunah hian an bial chhung tlawh chhuak tawhin inthlan tibuai thei tur harsatna engmah a awm thu hriat a ni lo a ni. He huna tarlan anih danin Khawzawl District huamchhunga VC 38 a inthlanna neih turah hian khaw kar kawng lirthei tlan theih lohna a awm lova, Power supply leh Mobile phone te pawh hman theih lohna a awm lo a ni. Inthlannaa duty turte chu naktip Nilaini-ah Zaingen YM Hall-ah kalkhawmin Training tawi an neih hnuah inthlan hmanrua material te nen an duty-na tur hmun theuh Polling Station an pan dawn a, nilaini zanah an duty-na tur Polling Station-ah an riak lut dawn a ni. 

Vawiin Meeting-ah hian Covid-19 hripui leng mek karah mipuiten boruak him tak hnuaiah vote an thlak theih dan turte leh inthlanna felfai leh muanawm a awm theihna tura inpuahchahna hrang hrangte chipchiar takin sawiho a ni bawk.