3076/2023-2024

Khawzawl, 16th December 2023: Khawzawl District-in ‘Every Infant Matters’, New Delhi te hnen atanga a dawn Vitamin A mum 100,000 leh rulhut hlo (deworming tablets) mum 150,000, a vaia cheng nuai 16 (₹16,00,000) man semchhuah dan tur relin vawiin khan Khawzawl Bawrhsap Pu K. Lalrohlua pisaah meeting neih a ni.

Meeting hian Damdawite hi Khawzawl District Hospital (Health Department) kutah hlan phawt ni se tiin a rel a. Integrated Child Development Service (ICDS) Khawzawl leh District Education Office (DEO) ten an enkawl Anganwadi leh sikula an sem chhuah zat tur hi District Hospital hnenah an thehlut ang a, anni (Hospital) hian Khawzawl District mamawh zat tur an chhut chhuah hnuah damdawi bang a awm a nih chuan Champhai leh Saitual District te hnenah pek ve ni se tiin a rel bawk.

Vawiin meeting-ah hian Khawzawl Medical Officer Dr. Albert Lalhminghlua, Child Development Protection Officer Pi Lalremthangi leh DIPRO Lalchhuanawma Ralte te an tel a. Vitamin A leh Rulhut hlo te hi kumthar 2024-ah sem chhuah tan tum a ni.