Serchhip khaw chhunga Khawnvartui semtu pahnih Pu Peter Lalthanchhinga Retailer – I, Serchhip Chanmari Veng leh Pu RL. Lungkhama Retailer – III, Serchhip Vengchung te hnen atanga khawnvartui lak tum mi engemaw zatin, an sem tan ni atanga ni thumna lekah lak tur an chang lo tih leh, heng retailer-te hian a man to-in an hralh ngei si a ni tih thawm a awm avangin DCSO Pu Rosangmawia chuan amah ngei a hmunah kalin thil awmdan a enfiah nghal a, mipui ten an chanvo dik tak an chan ngei theihna turin hma a la nghal a ni.

DCSO chuan District Consumer Association hruaitute nen ngaihtuahin heng Khawnvartui Retailer pahnihte-te hi an kova, Retailer an ni tawh dawn lo a ni tih an inhriat avanga mipui chan ai, a man tova an lo hralh vak mai hi a dik love tiin an hralhnate hnen atanga la kir a mipuite hnena sem leh vek turin hriattirna a pe nghal a, a man tova lo leitute pawh chutianga kir leh tur chuan hriattir nghal an ni a. Hei hi retailer-te pawhin remtiin DCSO thupek ang hian naktuk Inrinni hian mipui te hnenah an sem chhuak leh dawn a, tute mah lo chiai lo turin an ngen a ni. alr