Tripura Camp atanga Kolasib district a Bru lakluh dan chungchang ngaihtuahin vawiin khan DC Conference Hall, Kolasib-ah District a official te leh Sorkar laipui a Ministry of Home Affairs aiawh leh Mizoram Home Department aiawhte an thukhawm.

He thutkhawm hi Kolasib Deputy Commissioner Dr.Arun T., IAS in a kaihruai a. Sorkar laipuia Ministry of Home Affairs atang Pu Mahesh Singla, IPS Adviser North East chuan Bru te Mizorama an kirna tur hian sum leh tha tam tak sen a ni tawh a, hei vang hian sorkar laipui chuan tun tum bru repatriation hi a hlawhtlin ngei theih nan hmalak a ni a ti a. Kolasib a official te leh VC te tanrualna chu lawmawm a tih thu a sawi bawk.

November, 2016 thlenga Kolasib District a Bru kir tur chhinchhiah zat chu chhungkaw 824 an ni a, khaw 10 a dah turin ruahmanna siam a ni. Bru hruaitute hian Kolasib district inbuatsaih dan hi nikum October thla khan a hmunah an rawn en nghe nghe a ni.

Vawiin meeting-ah hian Bru te lo dawnsawnna tur a inbuatsaihna hrang hrang te sawiho a ni a, an chenna tur khua ruahman te bakah an chen lailawkna tur a ruahman te hmunah en nghal a ni bawk.