Vawiin khan Kolasib DC Pi Niharika Rai, IAS hovin a office chamber-ah Bru raltlan District chhunga an lo luh dan tur sawiho a ni.

Kolasib District chhungah hian Bru raltlan chhungkaw 628 awmtir tura ruahman a ni a. Heng raltlan tehi May/ June thla bawrah an rawn lut tura ngaih a niin chumi atan chuan vawiina meeting chuan ruahman leh puahchah ngai ang angte an sawi ho a ni. An lo luh hun atana mamawh tur ration, job card, health , tui thianghlim etc. leh anmahni hruai chhuak tura official kal dan tur leh venhimna chungchangte pawh sawi ho a ni bawk a ni. Ruahmanna felfai tak siam a nih theih nan Department tinte chu chet dan tur lo inbuatsaih lawka chu chu naktip 28 March, 2012 -ah DC-a thehluh nise an ti a ni.

Kolasib District chhunga Tuikuk ral tlan dah dan tur ruahman ang chuan Bairabi Awrpuara Vengah chhungkaw 50, S. Chhimluang-ah chhungkaw 150, N.Thinglian ah 157, Rastali-ah chhungkaw80, Dilzau-ah chhungkaw 55, Pangbalkawn-ah 45, Meidum-ah 46 leh Bukvannei-ah chhungkaw 45, a zavaiin chhungkaw 628 an ni.