Vawiin khan Kolasib DC Conference Hall-ah DC, Pu Jitender Yadav hovin Mizoram State Anti Tobacco Day hman a ni.
Pu Jitender Yadav chuan GATS zirchianna hnuhnung berah Mizoram chu India rama zuk leh hmuam ti thin tamna ber state ni a tarlan anih thusawiin vaihlo leh a kaihhnawih do tur leh hriselna atan a nghawng thalo a neite inhrilhhriat hi a Ni ah chiah uar lovin, a do hna hi kumtluan a thawkin, a that loh zia hi uar leh zawk a mipuite hriattir leh hrilh nawn fo a ngai a ni, a ti a. Vaihlo dona kawngah NGO ten an thawh hlawk hle nia a hriat thusawiin DC chuan NGO te hian zuk leh hmuam lakah fihlim milar te chu 'Brand Ambassador' atana ruat a, anmahni kaltlangin, a that lohzia mipui hnenah an au chhuahpui chuan Vaihlo Dona chu tichak thei nia a rinthu a sawi a. He programme hmang tura lokal Department hotulu te chu an pisa chhunga meizuk khap thupek khauh taka kalpui turin a chah a ni.
He programme kaihruaitu Kolasib Addl. DC Pu R. Lalremsanga chuan he Ni tobul leh Mizoram State Anti Tobacco Control Society (MSTCS) din chhuah dan tlangpui te sawiin vaihlo leh a kaihhnawih dona kawngah Kohhran leh NGO te an pawimawh a, anmahni kaltlangin nasa takin hemi kawngah hian hma a lak theih a ni, a ti.
He hunah hian Dr. R.K. Lalthlamuana, SMO chuan Vaihlo in mihring nun a nghawng dan power point presentation hmangin a hrilhfiah a ni.
Kolasib District huam chhunga Vaihlo leh a kaihhnawih khuahkhirh leh do turin Kolasib District Anti Tobacco Squad leh District Level Task Force te chu DC kaihhruaina hnuaiah May ni 11, 2010 khan din a ni a. He pawl pahnih hian nasa taka hma lain COTPA dan zawmna pawh kum 2011 ngaihtuah chuan hma a sawn hle a, a hmuh thu programme ah hian tarlan a ni.
