Kolasib DC Pu R. Lalramnghaka Hovin vawiin khan DC Conference Hall-ah ‘Faina Hapta 2013’ hman dan tur ngaihtuah. Distrcit Level Committee thukhawm chuan kumin Faina Hapta hi veng tinah uar taka hman nise an ti a. Faina Hapta hawnna hun hi zing dar 7:30-ah Ghandi lim awmna bul Venglai-ah neih a ni dawn a ni.

DC Pu R. Lalramnghaka chu khuallian niin Week hi a hawng ang a, October ni 8 ah khar a ni ang. Week chhunga tihchhuahturinCZS Cable TV chu Faina Hapta chungchang inzirtirna nipah fawmin Talk Show buatsaihturinCommittee chuan ngen nise tiin, Faina thuchah DC in a sawi pawh tihchhuah nise an ti, a ni. Veng tin YMA te chu faina hapta pualin vengchhung tihfai hnatlang ko tura ngen nise, an ti a. Hotel leh Restaurant te, Thingpui dawr te pawh he  hapta pual hian intihfaina hun nei turin committee hian a beisei bawk a ni. Tualchhung chanchinbute chu faina hapta chhung chuan faina chungchanga mipui mimir zirtirna lam a tam ber ang ber chhuah tura ngen nise an ti bawk.

Faina Hapta hi Civil SDO thuthmun khaw pahnih Kawnpui leh Vairengte-ah te pawh hman tura tih a ni.