1997/2024-2025

Dated Kolasib the 11th September 2024: Nimin tlai khan Kolasib bialtu MLA, Deputy Speaker Pu Lalfamkima chuan Kolasib khawpui bawlhhlawh sawngbawlna hmun Solid Waste Managment Centre (SWMC) Dihmunzawl tlawhin, bawlhlawh sawngbawl dan a hmun ah a enfiah.

Kolasib khawpui bawlhlawh sawngbawl hna hi Waste Tech & Bio Energy te hnenah bawlhlawh khawnkhawm leh  sawngbawl hna te pek niin, Tun thla September atanga thawh tan tir an ni a, thawktute hian Digital Weight Bridge an mamawh thu leh mamawh hrang hrang te an lo thlen a, tin, tawih thei leh tawih thei lo paih pawlh ala awm avanga an buai rih thu an lo thlen bawk a ni.

Deputy Speaker Pu Lalfamkima chuan bawlhhlawh tawihthei leh tawihthei lo paih pawlh awm chungchang chu sawiin mipui te ah awareness neih that atul thu leh mipui ten kan bawlhhlawh sawngbawlna hmun leh an hnathawh dan te an hriat a, a hmun ngei a an hmuh atul thu a sawi a, chutihrual chuan a hmun hma te nasa leh zuala tih tih faia, tih thianghlim a tul thu a sawi bawk.

Deputy Speaker chuan SWMC chu Pilot Project a ni a, a vawikhatna anih avangin tihhmaih tam tak a awm a rin thu leh hmasawnna tur ala awm zel thu sawiin,  mamawh te atul anga bawhzui a tum thu a sawi bawk.

Kolasib Bialtu MLA, Deputy Sepaker hi Kolasib DC Pu Robert C Lalhmangaiha leh DUDO Pi Josephine Zonunsangi ten an tawiawm a ni.