1357/2026-2027

Kolasib, 9th July, 2026: Vawiin khan DC Conference Hall, Kolasib-ah Kolasib Bawrhsap Pu H. Dolianbuaia kaihhruaiin District AIDS Prevention and Control Committee (DAPCC) thutkhawm pawimawh tak neih a ni.

Thutkhawmah hian HIV/AIDS chungchang hriatna (awareness) chu zirlai naupangte leh mipui zingah uar lehzuala kalpui a ngaih thu sawiho a ni a. Zirlaite hnena zirtirna pek hian an hun lo la kal zel turah mahni invenna leh midangte zah thiamna kawng a sial bakah, HIV hi natna dang ang bawka hriatthiam leh enkawl theih a nihzia hriattir hi khawtlang nun siamthatna kawngah thil pawimawh tak a nih thu tarlan a ni.

Seminar leh campaign hmanga hmalakna hian natna chungchanga inthlahrunna leh sawi duh lohna  rilru a paihbo thin thu sawi a ni a. HIV/AIDS venna hlawhtlinna chu awareness a nih avangin, sawrkar leh tlawmngai pawlte thawh hovin hmun hrang hrangah he inzirtirna hmalakna hi uar zawka kalpui mamawh an tih thu an sawiho a ni.

Hemi bakah hian HIV/AIDS hriat chhuah leh ven kawngah HOME hrang hrangah te invenna leh inentirna (testing) uar zawka kalpui nise tih rel a ni a. Damlo zawng zawngte hnenah anmahni remtihna (consent) lain thla thum  chhung danah HIV test neihpui thin a nih theih nan hmalak zui nise tih thutlukna an siam bawk.

Thutkhawmna-ah hian HIV/AIDS vanga thi tawhten midang an lo kaidarh leh darh loh chhui chhuahna (contact tracing) kawngah, a thawktu lamten uluk zawka an chhuizui zel theih nan ruahmanna an siam bawk a ni.