1857/2026-2027

Kolasib, 19th August, 2026: Vawiin chawhma dar 11:00 khan DC Conference Hall, Kolasib-ah Addl. Deputy Commissioner Pi B. Malsawmtluangi kaihhruaiin June 2026 quarter atan District Consultative Committee (DCC) thutkhawm neih a ni.

Thutkhawm kaihruaitu Addl. DC Pi B. Malsawmtluangi chuan thu sawiin, Kolasib district hmasawnna tura bank hrang hrang ten theih tawp an chhuah chu fakawm a tih thu a sawi a. Mipuite eizawnna leh khawtlang hmasawnna atan sum leh paia inkhaihhruaina (credit linkage) a pawimawh zia tarlangin, sawrkar scheme hrang hrang hlawhtling taka kalpui a nih theih nan bank te leh sawrkar department te chu tangrual lehzuala thawk tlang turin a chah a ni.

He thutkhawm, Lead Bank Office, Kolasib in an buatsaihah hian June 2026 thla thlenga Annual Credit Plan (ACP) target hnuaia hnathawh (achievement) hrang hrangte thlirho a ni a. Report atanga a lan danin, June 2026 thlenga ACP target zawng zawng atangin za zela 25.44 (25.44%) tihhlawhtlin a ni tawh a. Hei hi nikum June 2025 nena khaikhin chuan cheng nuai 2,183.65 (Rs. 2,183.65 lakhs) in hmasawnna  a awm a ni.

Segment hrang hrang hnuaia hmalaknate chu hetiang hi a ni:

Agriculture & Allied Activities: June 2026 thleng khan cheng nuai 1,906.8 (Rs. 1906.8 lakhs) pek chhuah a ni tawh a, hei hi nikum June 2025 quarter aiin cheng nuai 395.7-in hma a sawn a ni. Kisan Credit Card (KCC) hnuaiah kumin quarter chhung hian mi 629 hnenah cheng nuai 822.16 pek chhuah a ni bawk.

MSME: MSME hnuaiah hian kumin quarter chhungin bank branch hrang hrang ten mi 494 hnenah cheng nuai 2,716.28 an pe chhuak a. Hei hi ACP target atangin 48.48% a ni a, nikum June 2025 aiin cheng nuai 954.83 in hmasawnna a awm a ni.

Other Priority Advance: Priority sector dang (Education, Housing, Renewable Energy, etc.) hnuaiah account 124 hnenah cheng nuai 401.63 pek chhuah a ni tawh bawk.

Government Sponsored Scheme: Sawrkar laipui scheme hnuaiah - PMEGP (2026-2027) atan June 2026 thleng khan mi 3 hnenah cheng nuai 34.70 sanction niin, mi 5 hnenah cheng nuai 70.42 pek chhuah (disbursed) a ni tawh a. NRLM (2026-2027) hnuaiah kumin June 2026 quarter chhungin mi 14 hnenah cheng nuai 43.13 pek chhuah a ni tawh bawk.

Thutkhawmah hian May 25, 2026 a DCC/DLRC March 2026 meeting thutluknate thlirletna neih a ni a. Hemi bakah hian District CDR, Special Sub Committee din dan tur te, Business Correspondence hnathawh te, leh RSETI hnuaia skill development programme hmalaknate sawiho a ni bawk.