Vawiin khan Special Summary Revision of Electoral Rolls 2016 atana Draft Electoral Roll chu District Level Standing Committee Chairman leh Kolasib DC ni bawk Pu Jitender Yadav hovin DC Conference Hall-ah tlangzarh a ni. He hunah hian Kolasib District huamchhunga Assembly bial pathum – Kolasib, Turial leh Serlui a Draft Electoral chhutchhuah chu tarchhuah a ni.

Pu Jitender Yadav chuan Draft Electoral Roll chhutchhuah chu mipui ten uluk taka chik turin a ngen a, heta hming spelling diklo te, pian kum diklo te leh thil dang diklo  siamthat ngaite chu ngaipawimawh theuh turin a chah a ni. Kawng hrang hranga EPIC hmanna leh pawimawhna a tam avangin EPIC a chuang ‘details’ chu a dik thei ang ber anih chuan mipui tan awlsamna a siam sak ngei a rin thu a sawi a. ERO, AERO, BLO, BLA te leh political party leh NGO te chu Roll dik leh felfai a awm theih nan an mawhphurhna theuha theihtawp chhuah turin a ngen bawk a ni.

Meeting hi Election Officer, Kolasib District Pu R. Lalnghakliana chuan kaihruaiin Special Summary Revision of Electoral Roll 2016 neih dan tur te leh Kolasib District huamchhunga Assembly Constituency 3 dinhmun leh chanchin kimchang a tarlang.

Meeting ah hian Kolasib SP Pu C. Lalzahngoa, Addl DC Pu R. Lalremsanga, MUP, YMA leh MHIP aiawhte, political party aiawh te an tel bawk a ni.

Electoral Roll, 2016 siamthat (Special Summary Revision) dan tur hunbi thliah dan chu hetiang hi a ni: