Vawiin khan Kolasib Diakkawn YMA Hall-ah Education Campaign for Teachers neih a ni a. Hei hi khuallian Pu Lal Nghinglova, IAS, Commissioner & Secy, School Education , Higher & Technical Education chuan a hmanpui.

Thu sawiin khuallian chuan, Naupangte chu Bel ruak ang an ni a. Zirtirtuten in hnawhkhat dawn a ni, a ti a. Zirtirtu chuan class room bakah khawtlangah a nun a vawn uluk a ngai a. Zirlaibu chauh nilo, a nunchan hmangin zirlai a enkawl a ni tih a inhre tur a ni a. Hawiher leh incheina pawh uluk a tul hle a ni, tiin Zirtirtute tana zawm ngei tur kaihhruaina Ethics leh inchei dan Dress Code Deptt. chuan ala duang chhuak dawn a ni, a ti.

Mahni school bungraw chhia alo awm a nih chuan sawrkar atanga sanction nghak ringawt lovin a theih ang angin mahni sum pawh lo hman mai thin tha a ti tih Commissioner chuan a sawi a. Rilru leh thinlung taka naupang hmangaihna leh an hmakhaw ngaihna nen thawk ila. Zirlai ten hlauhna nen lehkha an zir theilova, chuvangin nelawm tak leh zahawm tak sia kan nundan pawh kan kalpui a ngai a ni tiin kuhva ei, sahdah hmuam chunga class lakte phei chu tih loh tawp tur a ni, Pu K. Lalnghinglova chuan a ti a ni.

Campaign hi Pu B. Lianthlira, DEO in a kaihruai a. Pu Lalrambuatsaiha, SDEO leh Pu Lalrammawia Kawlni, DPC ten thu an sawi bawk a. Zawhna leh chhanna hun hman a ni bawk.

He hunah hian Kolasib-a Zirtirtu zawng zawngte, SMC, SMDC, VEC leh DEC te an tel a ni.